அன்புடையீர்,

எதிர்வரும் சித்திரை திங்கள் முதலாம் நாள் (14th April 2018) பிறக்கவிருக்கும் “விளம்பி வருடம்” அனைவரின் வாழ்விலும் நிகரற்ற அன்பையும், அளவற்ற மகிழ்ச்சியையும், நோய் இல்லாத வாழ்வையும் குறைவில்லாத செல்வத்தையும் கொடுக்கும் ஒரு புத்தாண்டாக மலர வாழ்த்துகின்றோம்.

கன்ரபரி வாழ் தமிழ் நெஞ்சங்கள் அனைவரையும் ஒன்றிணைத்து பெருவிழாவாக அனைத்து புத்தாண்டு நிகழ்வுகளும் கொண்டாடப்பட்டு வருகிறது என்பதை தாங்கள் அனைவரும் அறிவீர்கள். இவ்வருடமும் எமது பாரம்பரிய கலாச்சார நிகழ்வுகளின் ஊடாக மீண்டும் அனைத்து தமிழ் மக்களும் ஒரு குடையின் கீழ் ஒன்றிணைந்து இப்புத்தாண்டை  மிகச்சிறப்பாக கொண்டாடுவோம்.

இம்முறை அனைத்து புத்தாண்டு நிகழ்வுகளும் புதியதோர் மண்டபத்தில் மிக விமர்சையாக நடைபெறும் என்பதை தெரிவித்துக்கொள்கிறோம். புதிய மண்டபம்  பற்றிய விபரங்கள் கீழே கொடுக்கப்பட்டுள்ளன.

இந்நிகழ்வு பற்றிய விபரங்கள் பின்வருமாறு:

நிகழ்வுத்திகதி: 14/04/2018, சனிக்கிழமை நிகழ்வு நேரம்: மாலை 6:30 – மாலை 10.00 நிகழ்வு இடம்: Templeton Community Centre, 64 Kirk Rd, Templeton, Christchurch 8042, New Zealand

நிகழ்வுகளில் பங்குபற்ற விரும்பும் அனைவரும் உங்கள் நிகழ்வுகளை 13/04/2018 திகதிக்கு முன்னர் கலாச்சார ஒருங்கிணைப்பாளர் திருமதி. கெளசல்யாதேவி வியஜகுமார் அவர்களுடன் தொடர்புகொண்டு தெரியப்படுத்திக்கொள்ளவும். (Mobile:0226118870 email: [email protected])

இவ்வருட நிகழ்ச்சிகள் கடந்த காலங்களைப் போல் தரமுடையதாகவும், நல்ல சமுதாய விழிப்புணர்வு கருத்துக்களையும், நகைச்சுவையும், நம் கலை, கலாச்சார விழுமியங்களையும் உள்ளடக்கியதாக இருக்கும் என்பதில்  எந்த ஐயமும் இல்லை.

உணவே மருந்து மருந்தே உணவு என்று வாழ்ந்தவர்கள் தமிழர்கள், இதற்கமைய, வழமை போன்று உங்களுக்கும்/ உங்கள் குடும்பத்திற்கும் அதனோடு மேலதிகமாக இன்னும் இருவருக்கும் சேர்த்து பரிமாறுவதற்குத் தேவையான சைவ உணவு வகைகளை கொண்டுவருமாறு தங்கள் அனைவரையும் அன்புடன் வேண்டிக்கொள்கிறோம்.  

அனைத்து உறுப்பினர்களும் இவ்வாண்டிற்கான கட்டணங்களை செலுத்தி தமது உறுப்புரிமையை மீண்டும் ஒரு வருடத்துக்கு புதுப்பித்து கொள்ளுமாறு தாழ்மையுடன் வேண்டிக்கொள்கிறோம்.   புதிய உறுப்பினராக இணைய விரும்புவோர் அவர்களுக்கான விண்ணப்பப்படிவத்தை பூர்த்தி செய்து ஒருவருடத்திற்கான கட்டணத்தையும் செலுத்தி கன்ரபரி தமிழ் சங்கத்தின் உறுப்பினர் ஆகலாம் என்பதையும் அதற்கான விண்ணப்பப்படிவத்தை விழா நடைபெறும் இடத்தில பெற்றுக்கொள்ளலாம் என்பதையும் உங்கள் மேலான கவனத்திற்கு கொண்டுவருகிறோம்.

குறிப்பு: கட்டணங்களை கன்ரபரி தமிழ் சங்கத்தின் வங்கி கணக்கில் வைப்பில் இடுவதன் மூலமும் தங்களின் உறுப்புரிமையை புதுப்பித்துக்கொள்ளலாம். கணக்கு இலக்க விபரங்கள் – Westpac 030830-0283302-00; Please mention your name as reference

அனைவரையும் எமது சித்திரைப் புத்தாண்டு நிகழ்வுகளில் கலந்துகொண்டு சிறப்பிக்குமாறு அன்புடன் அழைக்கிறோம். உங்களது நண்பர்கள் மற்றும் உறவினர்களுக்கும் இந்நிகழ்வு பற்றி எடுத்துக்கூறி அவர்களையும் இப்பெருவிழாவில் கலந்து சிறப்பிக்குமாறு வேண்டுகிறோம்

இப்படிக்கு,

உங்கள் பங்களிப்பை நாடி நிற்கும்,

கன்ரபரி தமிழ்ச்சங்கம்